ബെംഗളൂരു : മുഖ്യമന്ത്രി യെദിയൂരപ്പയുടെ എസ്കോർട്ട് വാഹനം അപകടത്തിൽ പെട്ട് ഡ്രൈവർക്ക് ഗുരുതരമായി പരിക്കേറ്റു.
മുഖ്യമന്ത്രിയുടെ വാഹനവ്യൂഹത്തിന്റെ അവസാനത്തെ വാഹനമാണ് ആദ്യം ഡിവൈഡറിൽ ഇടിക്കുകയും നിയന്ത്രണം നഷ്ടപ്പെട്ട് ഒരു വാനുമായി കൂട്ടിയിടിക്കുകയും ചെയ്തത്.
ഡ്രൈവറായ സെൽവകുമാറിന് ഗുരുതരമായി പരിക്കേറ്റു.
ഇന്ന് രാവിലെ തുമുക്കുരു ദേശീയ പാതയിൽ യശ്വന്ത് പുര മേൽപ്പാലത്തിന് മുകളിൽ വച്ചായിരുന്നു അപകടം.
ഈ ശനിയാഴ്ച തുമക്കുരുവിൽ പ്രധാനമന്ത്രി നരേന്ദ്ര മോഡി പങ്കെടുക്കുന്ന കർഷക റാലിയുണ്ട്, ഇതിന്റെ ഒരുക്കങ്ങൾ വിലയിരുത്താൻ വേണ്ടിയാണ് ,ഇന്ന് രാവിലെ സ്വവസതിയായ ഡോളേഴ്സ് കോളനിയിൽ നിന്ന് മുഖ്യമന്ത്രി തുമുക്കുരുവിലേക്ക് പുറപ്പെട്ടത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
